«Ақтөбе облысының білім басқармасы Алға ауданының білім бөлімі» мемлекеттік мекемесінің «№2 «Айгөлек» бөбекжай балабақшасы» мемлекеттік коммуналдық қазыналық кәсіпорнының меңгерушісі Бердібаева Балзия Бисенбайқызы

Бердібаева Балзия Бисенбаевна 23 тамыз 1982 жылы  Ақтөбе облысы, Байғанин ауданында туылған. Ұлты-қазақ. Қазақстан  Республикасының азаматы.

2017  жылдан бастап  №2 «Айгөлек» бөбекжай балабақшасының басшысы қызметінде. Білімі жоғары, санаты жоғары. Қ.Жұбанов атындағы мемлекеттік педагогикалық университеті «Бастауыш оқыту мен педагогикалық әдістемесі» мамандығы бойынша аяқтады.  Жалпы педагогикалық еңбек өтілі 20 жыл. Ақтөбе облысы білім басқармасының 2017 жылғы 29 мамырдағы №661 бұйрығына сәйкес «Біліктілігі жоғары деңгейдегі жоғары санатты бастауыш класс мұғалімі» біліктілік санаты берілді. 2019 жылы 22 мамырда «Назарбаев Зияткерлік мектептері» ДББҰ Педагогикалық шеберлік орталығы әзірлеген «Білім берудің жаңа парадиагмасы жағдайында мектепке дейінгі жастағы балаларды дамытудың тиімді формалары, әдістері мен тәсілдері» тақырыбындағы оқыту семинарды аяқтап сертификат иеленді. Ақтөбе облысының білім басқармасы Алға ауданының білім бөлімінің 2021 жылғы 24 желтоқсандағы №1-178\4 бұйрығы негізінде «Үшінші біліктілік санатты басшы» біліктілік санаты тағайындалды. 2021 жылы ДББҰ Педагогикалық шеберлік орталығының «Мектепке дейінгі ұйым басшыларының біліктілігін арттыру білім беру бағдарламасы бойынша» біліктілігін арттырды. Ақтөбе облысы білім сапасын қамтамасыз ету департаментінің 2022 жылғы 27 мамырдағы №81 хаттамалық шешімі негізінде Мектепке дейінгі тәрбие мен білім беру ұйымы ретінде мемлекеттік «Аттестатталды».

Табысты жұмысы үшін 2017 жылы Қазақстан Республикасы Білім және ғылым министрлігінің «Құрмет граммотасымен» марапатталды. 2021 жылы Ақтөбе обылыстық ғылыми-тәжірибелік орталығынан «Құрмет граммотасы». 2021 жылы Ақтөбе обылыстық ғылыми-тәжірибелік орталығынан «Алғыс хат» марапатталды. 2022 жылы «Білім беру жүйесіндегі көп жылғы адал еңбегі және салалық кәсіподақ қозғалысын дамытуға қосқан зор үлесі үшін» Салалық кәсіподақ төрайымының Құрмет грамотасымен марапатталды. 

Еңбек қызметі кезінде Б.Бердібаева өзін практикалық, сауатты басшы ретінде көрсетті. Басқару теориясы мен әдістері, басқару тұжырымдамалары саласында кең білімі бар. Менеджмент, кадр мәселелері бойынша еркін бағдар алады. Жеке кәсіби дайындықты жүйелі түрде жетілдіреді, үнемі жаңа білім алуға және бар білімді жетілдіруге тырысады.

Балзия Бисенбаевна барлық жұмыс уақытында өзін адал басшы ретінде де көрсете алады. «Қазақстанның әлемдік білім беру кеңістігіне шығу үшін білімді ұрпақ, білікті маман болуы қажет» екендігіне басты назарға қойған балабақша меңгерушісі Бердібаева Балзия Бисенбаевна ұжымдастарына ерекше талап қоя біледі. Осындай  талаптың  нәтижесі болар балабақшадан тәлімді тәрбие мен ізгіліктің лебі есіп тұр.

Балабақша  педагогтары үнемі шығармашылық ізденіс жолында. Балабақша тәрбиеленушілері мен педагогтары аудандық, облыстық байқауларға қатысып, сертификат, дипломдарға ие болып жүр. Атап кететін болса, 2020 жылы Мектепке дейінгі ұйымдар арасындағы III Республикалық сайыстан Дипломмен  марапатталды. 2021 жылы Қазақстан Тәуелсіздігінің 30 жылдығы аясында ұйымдастырылған «Ескірмейтін есті әндер» атты аудандық ретро-әндер байқауына белсене қатысқаны үшін Алғыс хатпен марапатталды. 2022 жылы Балалар жылы аясында ұйымдастырылған «Тіл болашағы балабақшада» атты аудандық байқаудан 3 орын иеленгені үшін III Дәрежелі дипломмен марапатталды. 2022 жылы Облыстық балалар театр фестивалінде «Шегіртке мен құмырсқа» ертегісін кәсіби деңгейде сахналағаны үшін «Ең үздік театр қойылымы» және «Ең үздік режиссерлық қойылым» номинациясы бойынша бас жүлде иеленді.

Басшылық бағытында іс тәжірибелері аудан, облыс, республика көлемінде таратылып, жарық көрді. 2021 жылы Республикалық «Ұстаз» журналына «Тағам және сусын» тақырыбында мақала жарияланды. 2021 жылы Ғылыми әдістемелік орталықпен бекітілген «Адами ресурстарды басқару» тақырыбында авторлық жинақ басылып шықты.  2023 жылдың №2  (109) Республикалық ғылыми-әдістемелік «Тағылым» журналына «Балабақшада күн тәртібінің тиімді өткізудің жолдары» тақырыбында мақаласы жарық көрді.